+A   |  -A
Skip Navigation LinksНасловна Статистики по области Соопштенија по области
Веб-страницата www.stat.gov.mk користи колачиња кои се потребни за целосна функционалност на страницата. Со Вашето присуство на нашата веб-страница се подразбира дека се согласувате за користењето на овие колачиња. За повеќе детали прочитајте ја Политиката за колачиња.


              

Соопштението е од областа: Здравствени сметки





Здравствени сметки, 2017/2018 година

петок, 19 февруари 2021


Вкупните тековни трошоци за здравството во Република Северна Македонија во 2018 година изнесуваат 43 319 милиони денари и бележат пораст од 6.3 % (40 758 милиони денари) во однос на 2017 година.

Сите видови трошоци за здравството, по здравствени функции и здравствени шеми, бележат пораст во 2018 година во однос на 2017 година. Вкупните трошоци за лекување во здравствените шеми во 2018 година изнесувале 23 478 милиони денари, додека во 2017 година изнесувале 22 696 милиони денари, што претставува пораст од 3.4 %.

Во тековните трошоци за здравството, по здравствени функции и даватели на здравствена заштита, во 2018 година, трошоците на болниците за лекување изнесуваа 13 458 милиони денари, што е 85.6 % од вкупните трошоци на болниците по здравствени функции. Во 2017 година, од болниците биле потрошени 13 002 милиони денари, односно 86.4 % од вкупните трошоци на болниците по здравствени функции.

Во тековните трошоци за здравството, по даватели на здравствена заштита и здравствени шеми, најголемо е учеството на болниците и тоа изнесува 15 714 милиони денари во 2018 година, а 15 042 милиони денари во 2017 година.

Во здравствените шеми по здравствени функции најголем е делот на владините (буџетски) механизми и задолжителното здравствено осигурување, кои во 2018 година изнесуваат 24 900 милиони денари, а во 2017 година се 23 338 милиони денари.

 





  Преземи го соопштението во целост

  Преземи табели

Податоците во објавеното соопштение се бесплатни. При користење, ве молиме наведете го изворот.

За подетални информации јавете на:

контакт тел: + 389 2 3295 666 

е-пошта: press@stat.gov.mk 

  




© Државен завод за статистика