Според претходните податоци на Државниот завод за статистика, 66 363 пазарноориентирани деловни субјекти
активни во областа на индустријата, градежништвото, трговијата и останатите услужни дејности1) оствариле вкупен
промет од 1 642 832 милиони денари и додадена вредност од 345 205 милиони денари. За ангажираните 443826
вработени лица биле издвоени 175 581 милион денари.
Најголем промет е реализиран од секторот Трговија на големо и на мало со 39.7 %, а по него следат секторот
Преработувачка индустрија со 26.8 %, Снабдување со електрична енергија, гас, пареа и климатизација со 8.0 %,
Градежништво со 6.3% и секторот Транспорт и складирање со 5.2 %.
Секторот на преработувачката индустрија има најголемо учество во вкупната додадена вредност со 26.5 %, следен
од секторот Трговија на големо и на мало со 22.6 %. Значително е учеството на секторите Градежништво со 8.7 %,
Информации и комуникации со 8.5% и Транспорт и складирање со 7.3 % во вкупната додадена вредност.
Во однос на големината на претпријатијата, доминираат микропретпријатијата со помалку од 10 вработени (90.9%),
најголемиот дел од нив се од областа на трговијата. Со ангажирани 35.1 % од вкупно вработените, тие создале
21.7 % од вкупната додадена вредност. Големите претпријатија со учество од само 0.2 % и со ангажирани 24.2% од
вработените создаваат 31.7 % од вкупната додадена вредност во рамките на деловниот сектор, и тоа, главно, во
секторот Преработувачка индустрија (13.4 %). Сепак, најголем е потенцијалот на малите и на средните претпријатија
(со 10 до 249 вработени), кои ангажираа 40.8 % од вработените и создадоа 46.6 % од вкупната додадена вредност
во деловниот сектор.
1) Во согласност со новото европско законодавство за деловната статистика, односно според Регулативата (ЕУ) 2019/2152 на Европскиот парламент и на
Советот од 27 ноември 2019 година за европска деловна статистика и укинувањето десет правни акти од областа на деловната статистика, структурните
статистики на компаниите сега ја вклучуваат целата област И - Финансиски и осигурителни услуги и областа М - Образование, Н - Здравствена и социјална
заштита, Њ - Уметност, забава и рекреација, како одделот S96 - Други лични услужни дејности според НКД, рев. 2.
Во дефинитивните податоци за 2021 година, податоците за секторот И не се достапни. Поради новите набљудувани активности во 2021 година, податоците
се споредливи само за истите области.
