Skip Navigation LinksНасловна Статистики по области Соопштенија по области

Веб-страницата www.stat.gov.mk користи колачиња кои се потребни за целосна функционалност на страницата. Со Вашето присуство на нашата веб-страница се подразбира дека се согласувате за користењето на овие колачиња. За повеќе детали прочитајте ја Политиката за колачиња.


              


Соопштението е од областа: Структурни деловни статистики


Деловни услуги, 2021 година

четврток, 15 јуни 2023


Во 2021 година, најголемиот дел од претпријатијата со над 20 вработени што биле ангажирани во набљудуваните
деловни услуги1) над 90 % од промет го оствариле со обезбедување специјализирани услуги за кои се регистрирани,
освен претпријатијата ангажирани за обезбедување проектантски услуги (78.1 %).
Во 2021 година, 41.8 % од прометот со деловни услуги е реализиран од домашните купувачи, 31.9 % од купувачи во
земјите на ЕУ, а 26.3 % од останатите земји. Компјутерските услуги и натаму имаат најголемо учество во вкупниот
промет од деловни услуги, односно 67.2 %.
Деловните субјекти ангажирани за компјутерски услуги најголемиот дел од прометот го остваруваат од странски
клиенти, т.е. 76.0 %, и тоа, главно, од земјите на ЕУ (40.5 %). Според видот на услугата, прометот е реализиран,
главно, од продажба на специјализирани услуги за компјутерско програмирање, 64.5 %, обработка на податоци 12 %,
консултантски услуги 7 %, а 3.5 % од продажба на компјутери, компјутерска периферна опрема и софтвер.
Повеќе од половината од прометот во областа на рекламирањето (57.5 %) е реализиран преку продажба на услуги
од страна на рекламните агенции, и тоа за комплетна изработка на реклами 39 % и за развој на концепт за реклама
6.3 %. Од услуги за огласување преку медиуми остварени се 26.4 % од прометот, најмногу преку продажба на
простор/време со надомест или врз база на договор, на ТВ/радио (15.6 %) и преку интернет (7.3 %).
44.4 % од прометот на претпријатијата специјализирани за архитектонски и инженерски услуги е реализиран од
услуги за инженерство и техничко советување, 27.6 % од услуги за управување со проекти, додека проектирањето на
станбени и други проекти учествува со 3.9 % во прометот.
Претпријатијата специјализирани за вршење техничко испитување и анализа оствариле 35.3 % од прометот од
испитувањето на исправноста на патничките возила, а 64.7 % од други услуги за техничко испитување и анализа.
Агенциите за вработување реализирале најголем промет преку посредување за привремени вработувања (78.2 %),
најмногу за обезбедување помошен канцелариски кадар (33.8 %), работници во транспортот, магацините, логистиката
или индустријата (15.1 %), комерцијален и трговски кадар (13.6 %) и компјутерски и телекомуникациски кадар (6.4 %).





  Преземи го соопштението во целост

  Преземи табели
Податоците во објавеното соопштение се бесплатни. При користење, ве молиме наведете го изворот.

За подетални информации јавете на:

контакт тел: +389 2 3295 666

е-пошта:  press@stat.gov.mk 
  




© Државен завод за статистика