Според податоците на Државниот завод за статистика, индексот на цените на мало во јули 2011 година, во однос на претходниот месец, изнесува 99.8, а индексот на трошоците на животот 99.2.
Намалувањето на трошоците на животот од 0.8% е резултат на пониските индекси на овошјето за 20.0%, зеленчукот за 13.9%, јајцата за 1.5%, свежото млеко за 0.7% и производите од жито за 0.6%.
Во јули 2011, намалување на индексите на трошоците на животот е забележано и кај нафтените деривати за 1.5%, материјалите за одржување на станот и козметичките производи за 0.2%.
Пораст на индексот на трошоците на животот во јули 2011 година, во споредба со претходниот месец, е забележан кај мастите за 3.4%, преработките од риба за 1.3%, преработеното овошје за 0.6%, месото за 0.4%, млечните производи за 0.3%, преработениот зеленчук и алкохолните пијалаци за 0.2%.
Исто така, пораст на индексот на трошоците на животот е забележан и кај услугите за образование за 3.7%, превозот на патници за 3.4%, услугите за сместување за 0.9%, храната и пијалаците во ресторани и хотели за 0.5%, трошоците за одржување на автомобилите и туристичките аранжмани за 0.2%.
Индексот на цените на мало во јули 2011 година, во споредба со јули 2010 година, бележи пораст од 4.0%, а трошоците на животот бележат пораст од 3.8%.