Според податоците на Државниот завод за статистика, индексот на просечната месечна исплатена нето-плата по вработен, во јануари 2012 година, во однос на јануари 2011 година, изнесува 99.8.
Ваквото намалување се должи, пред сé, на намалувањето на просечната месечна исплатена нето-плата по вработен во секторите: Финансиски дејност и дејности на осигурување (17.3%), Административни и помошни услужни дејности (6.0%) и Уметност, забава и рекреација (3.0%).
Намалување на просечната месечна исплатена нето-плата по вработен, во однос на претходниот месец, е забележано во секторите: Информации и комуникации (27.2%), Административни и помошни услужни дејности (14.3%) и Други услужни дејности (8.7%).
Просечната месечна исплатена нето-плата по вработен, во јануари 2012, изнесува 20 982 денари.
Во јануари 2012 година, 2.3% од вработените во Република Македонија не примиле плата.