Според податоците на Државниот завод за статистика, индексот на просечната месечна исплатена бруто-плата
по вработен, во ноември 2014 година, во однос на ноември 2013 година, изнесува 102.4
Ваквото зголемување се должи, пред сѐ, на зголемувањето на просечната месечна исплатена бруто-плата по
вработен во секторите: Рударство и вадење на камен (7.9%), Финансиски дејности и дејности на осигурување
(7.9%) и Стручни, научни и технички дејности (6.9%).
Намалување на просечната месечна исплатена бруто-плата по вработен, во однос на претходниот месец,
е забележано во секторите: Рударство и вадење на камен (11.0%), Градежништво (4.7%) и Снабдување со
електрична енергија, гас, пареа и климатизација (2.9%).
Просечната месечна исплатена бруто-плата по вработен во ноември 2014 изнесува 31 644 денари.
Во ноември 2014 година, 1.1% од вработените во Република Македонија не примиле плата.