Веб-страницата www.stat.gov.mk користи колачиња кои се потребни за целосна функционалност на страницата. Со Вашето присуство на нашата веб-страница се подразбира дека се согласувате за користењето на овие колачиња. За повеќе детали прочитајте ја
Политиката за колачиња.
Соопштението е од областа:
Деловни тенденции
Оценка на раководителите на деловните субјекти во преработувачката
индустрија за сегашната економска состојба на деловните субјекти во јуни
2010 година
петок, 23 јули 2010
Според податоците на Државниот завод за статистика, раководителите ја оценуваат економската состојба
на деловните субјекти во јуни 2010 година како поповолна во однос на претходниот месец. Оценката
за обезбеденоста на производството со порачки, исто така, е поповолна. Обемот на производството на
деловните субјекти во јуни 2010 година бележи значителен пораст во споредба со претходниот месец,
очекувањата за обемот на производството во наредните три месеци се песимистички, а очекувањата за бројот
на вработените се пооптимистички. Во јуни 2010 година, залихите на суровини и репроматеријали, како и
сегашните набавки на суровини и репроматеријали се под и околу нормалата. Залихите на готовите производи
во јуни 2010 година се намалени во споредба со претходниот месец. Според оценката на раководителите,
во наредниот период, просечните набавни цени на инпутите ќе се намалат, како и продажните цени на
готовите производи. Просечното искористување на капацитетите на деловните субјекти во јуни 2010 година,
во однос на претходниот месец, е зголемено и изнесува 59.5% од нормалното искористување. Најголемо
влијание врз ограничувањето на обемот на производството во јуни 2010 година имаат следните фактори:
недоволната странска побарувачка со 26.3%, недоволната домашна побарувачка со 17.4%, финансиските
проблеми со 12.3% и неизвесното економско опкружување со 9.7%.
 Преземи го соопштението во целост
Податоците во објавеното соопштение се бесплатни. При користење, ве молиме наведете го изворот.
За подетални информации јавете на:
контакт тел:
+389 2 3295 847
е-пошта:
ketrin.strezovska@stat.gov.mk
|
© Државен завод за статистика