Пресметките на економските сметки во земјоделството по постојани цени се направени врз база на препораките
дадени во Прирачникот за економски сметки во земјоделството и шумарството, ревизија 1.1. и според Регулативата
(ЕЗ) 138/2004 за економските сметки во земјоделството.
Целта на овие пресметки е да може да се направат подобри економски анализи, а потребата е да се разграничат
трендовите што се однесуваат на промената на волуменот од оние што се однесуваат на промената на цените. Според
ESA 2010 (European System of Accounts), ценовната компонента треба да ги содржи промените што се однесуваат
само на цените, а сите останати промени треба да бидат вклучени во волуменската компонента. Со тоа, сите останати
компоненти (физички карактеристики, начинот на продажба итн.) се земаат како волуменски, а не како ценовни
промени.
Волуменските и ценовните индикатори што се користени при пресметката на економските сметки во земјоделството
по постојани цени ги вклучуваат и промените во квалитетот. Ако производите се хомогени, волуменските промени
може да се проценат врз база на промените на количествата.
Податоците се однесуваат на периодот од 2017 до 2022 година и се врз база на претходната година.