Викендов во Скопје се одржа 15-тиот по ред Виз Ер Скопски маратон, на кој учествуваа рекордни 12800 рекреативци и професионални маратонци. Во прекрасна атмосфера и добро расположение, продолжувајќи ја традицијата, екипа составена од 25 вработени во Државниот завод за статистика, од различни генерации, зеде учество во трката на 5 километри – team building, поддржувајќи ја идејата за здрав живот и здрави навики. И годинава Скопскиот маратон се одржа под покровителство на Град Скопје, Делегацијата на Европската Унија и Агенцијата за млади и спорт на Република Северна Македонија. Скопскиот маратон традиционално се одржува по повод Денот на Европа. Државниот завод за статистика и понатаму ќе продолжи да ги поддржува спортските активности на своите вработени кои, пред сè, претставуваат определба за практикување на здрави навики во секојдневното живеење и одлична можност за дружење надвор од Заводот.
Сите активности